المقادير
نص كيلو كنافه
نص كيلو جبنه موتزاريلا
كوب زبده سايحه
لون أكل من عند العطار
لمقادير الشربات
كوبين سكر
كوب ونص ماء
رشه فانيليا
معلقة عصير ليمون
الطريقة
نقطع الكنافه بشكل صغير خالص وممكن الاسهل لينا نقصها بالمقص لقطع صغيره
في وعاء بلاستيك او كما ترغبين نضع الكنافه
بنجيب اللون ونضعه علي معلقه كبيره من الماء ونقلب كويس
بعدها بنحط شويه صغيره من اللون علي الزبده ونقلب كويس
بنضع الزبده تدريجيا علي الكنافه ونفركها بأدينا كويس حتي يصبح لون الكنافه كله درجه واحده
بنجيب الصنيه بتاعتنا وندهنها زبده بسيط جدا ونضع فيها نصف كميه الكنافه وندوس عليها بإيدينا كويس خالص وبعدين بنبدء نحط الجبنه فوقيها بس بلاش تخرج ناحيه الاحرف ونضغط عليها وبعدين بنحط باقي كميه الكنافه ونضغط بردوا عليها وبنساويها بإيدينا ثم ندخلها الفرن علي درجه حراره 180 درجه
طريقة عمل الشربات
نضع السكر والماء في إناء ونستمر التقليب حتي يذوب السكر
ثم نرفعه علي نار هاديه ونستمر في التقليب حتي الغليان ثم نضع عليه عصير الليمون ودقيقتين ونطفئ النار ونضع
فوقيهم رشه الفانيليا ونسيبهم يبردوا خالص
نخرج الكنافه من الفرن ونضع فوقها الشربات وقطعيها وقدميها علي سفرتك
وبالهنا والشفا
إرسال تعليق