دبابيس الدجاج بالخضار
بما أننا فى رمضان وكل يوم لازم نعمل أكل فلازم نغير وننوع فى أصناف الأكل وكمان ندور على الحاجات السهله والسريعه اللى ماتاخدش مننا وقت طويل فى المطبخ فجبتلكم تتبيله الدبابيس دى سهله وسريعه وغير مكلفة وتعتبر وجبه كامله لأن فيها خضار وممكن نعمل جمبها طبق من الأرز الابيض .
تتبيلة دبابيس الدجاج
ملعقتان من زبادى
ملعقتان من الزيت
ملعقتان من الخل
ملعقة كبيرة من الصلصه
ملعقة من دبس الرمان
ملعقة من عصير الليمون
ملعقة من بهارات الدجاج
ملعقة من الفلفل الاسود
ملعقة من الملح
نص ملعقة من البابريكا
نص ملعقة من الثوم البودر
نص ملعقة من البصل البودر
نص ملعقة من الكارى
خضار يوضع مع الدجاج
( حبايه من البطاطس مقطعه شرائح _ حبايه من الطماطم مقطعة شرائح _ حبايه من البصل مقطعه شرائح _قرن فلفل حار مقسوم نصين بالطول _ فصين من الثوم مقطع شرائح)
طريقة التحضير
بعد غسل دبابيس الدجاج وتجهيزها هنتبلها بكل البهارات والتوابل بتاعتنا دى اللى سبق وكتبناها وهنسيبها فى الثلاجه بتتبيلتها على الأقل ساعتين لثلاثه ليتشرب الدجاج التتبيله ويكون جاهز للطهى
بعدها هنجيب بايركس ونرص فيه شرائح البطاطس وشرائح الطماطم وشرائح البصل والفلفل الحار والثوم بعد تتبلهم بالملح والفلفل الاسود والبهارات وعليهم كوب من الماء
بعدها هنرص فوقها دبابيس الدجاج المتبله
هندخلها الفرن على درجه حراره ٢٠٠د لمده ساعة ونص او حتى تمام النضج
بعدها نخرجها من الفرن ونقدمها فى طبق التقديم وعلي سفرتك
وبالهنا والشفا
إرسال تعليق